Федералдық ғарыш орталығы баспасөз қызметінің ақпаратына сәйкес, бұл ұшырылымның бір ерекшелігі, ғарыш аппаратымен жер орбитасына тритондар, жүзім ұлулары мен шаяндар жіберіледі. Осыған байланысты зымыран тасығышты ұшырылымға дайындау технологиясы өзгертілген. Федералдық ғарыш орталығы баспасөз қызметінің ақпаратына сәйкес, бірнеше жылдан бері алғаш рет «Союз-У» зымыран тасығышы ұшырылым алаңына әдеттегідей екі күн бұрын емес, дәл ұшырылым күні шығарылып отыр.
«Фотон-М» ғарыштық аппараты технологиялық және ғылыми зертеулер жүргізуге, өнеркәсіп пен ғылымның түрлі салаларының мүддесіне материалдар мен биотехнологиялық препараттар өндіруге арналған. Ғарыштық зертханада 16 тәулік бойы Франция, Германия және Швецияның ғарыштық агенттіктерінің бағдарламасы бойынша физика, химия және ғарыштық биотехнология салалары бойынша 16 ғылыми зерттеу жұмысы жүргізіледі. Соның ішінде иммунитет тапшылығы, вирусты және қатерлі ісік дерттерін емдеуге арналған жоғары тазалық деңгейіндегі дәрілік заттар алуға бағытталған зерттеулер бар.
Зертханада Ресейдің ғылыми бағдарламасына сәйкес 9 зерттеу жұмысы жүзеге асырылады. Атап айтсақ, шаяндарға электромагниттің әсерін зерттеуге бағытталған «Биоком», ұшырылым кезінде ғарышкерлерде кездесуі мүмкін ауру түрлерін зерттеу және анықтауға бағытталған «Виброком» және «Плазмида», ұшырылғаннан кейінгі алғашқы тәуліктерде салмақсыздық жағдайында тритондардың көзторының регенерациясын зерттеуге бағытталған «Рецептор» бағдарламалары жүзеге асырылады.
Ғылыми бағдарламалар аяқталғаннан кейін 16-маусымда биологиялық организмдер ғарыштық аппараттың арнаулы құтысында сынақ нәтижесін тексеру үшін Жерге жеткізіледі.
- $ 502.57
- € 591.68
Алматы
- РУС
- ҚАЗ
2025 Жыл
30 Желтоқсан
