Жарияланды: 500

Байқоңырда "Прогресс М-01М" жүк корабліне жанармай құю жұмыстары аяқталды

Байқоңыр. 14 қараша. "Қазақстан Бүгін" - Байқоңырда "Прогресс М-01М" жүк корабліне жанармай құю жұмыстары аяқталды, деп хабарлайды агенттік тілшісі ғарыш айлағындағы ақпарат көзіне сілтеме жасап.

Кеше №31 алаңның жанармай құю станциясында "Прогресс М-01М" жүк кораблінің қозғалтқышына отын компоненттері мен сұйытылған газ құю жұмыстары жүргізілді. Жанармай құйылған соң "Прогресс М-01М" жүк кораблін №254 алаңның монтаж-сынақ корпусына жеткізеді, онда арнаулы стендте Роскосмос кәсіпорнынының мамандары Халықаралық ғарыш станциясына жіберілетін жүкті толықтырыа тиейді және "Союз-У" зымыран тасаығышымен жалпы құрастыруға дайындай бастайды. "Прогресс М-01М" жаңа, төрт жүзінше сериялы "Прогресске" жатады. Корабльде заманауи сандық есептегіш машина ЦВМ-101 мен сандық шағын көлемді ақпараттық телеметриялық жүйе орнатылған. "Прогресс М-01М" жүк кораблі Халықаралық ғарыш станциясына 2,5 тонна жүк: азық-түлік, отын мен ғылыми жабдықтар жеткізеді. "Прогресс М-01М" жүк кемесі "Союз-У"зымыран тасығышының көмегімен 2008 жылдың 26 қарашасында Астана уақытымен 18 сағат 38 минутта ұшырылады деп жоспарланған. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Пікір қалдырыңыз

Пікір қалдыру тіркелген пайдаланушылар ғана мүмкін