Баспасөз қызметінің ақпаратына сәйкес, 5 қазан, жексенбіде «Энергия» зымыран-ғарыштық кешенінің мамандары «Союз ТМА-13» ғарыш кемесін авторлық тексеруден өткізді.
Тексеруден кейін мамандар корабльге бас обтекательді жеткізеді.
Ұшырылым алдындағы дайындық жұмыстарының кестесіне сәйкес, 7 қазанда ғарышкерлер экипаждары «Союз ТМА-13» пилотты ғарыш кемесінің түсірілетін аппаратында екінші жаттығуларды жүргізеді, бұдан кейін ғарыш кемесі №112 алаңның монтаж-сынақ корпусына «Союз-ФГ» зымыран тасығышымен жалпы түйістіруге жіберіледі.
«Союз ТМА-13» ғарыш кемесінің негізгі экипажы — Халықаралық ғарыш станциясының бортинженері, «Союз ТМА-13» командирі — Юрий Лончаков (Ресей Федерациясы), ХҒС командирі, «Союз ТМА-13» бортинженері — Эдвард Майкл Финк (АҚШ), ғарыштық ұшырылымның қатысушысы — Ричард Гэрриот (АҚШ), сондай-ақ, дублерлер — Геннадий Падалка (Ресей), Майкл Баррет (АҚШ), Ник Халик (Австралия) бар.
Ғарышкерлер экипажының 18 экспедициясын «Союз ТМА-13» пилотты ғарыш кемесімен ғарыш айлағының №1 ұшыру алаңынан Халықаралық ғарыш станциясына ұшыру 2008 жылдың 12 қазанына Астана уақытымен 13.01-ге белгіленген.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
