Баспасөз қызметінің ақпаратына сәйкес, бүгін 254-алаңда ғарыш айлағының мамандары кемені тексеріп шығып, бас обтекательді сынады. Обтекательді ғарыш кемесімен түйістіруге бағытталған техникалық шарадан кейін кеменің бас бөлігінің электр жүйелерінің жұмысы тексерілді.
Ұшу алдындағы дайындық жоспарына сәйкес, 15-қыркүйекте зымыран тасығыш пен ғарыш кемесі құрастырылып, 16-қыркүйекте «Союз-ФГ» зымыран тасығышы ғарыш кемесімен бірге №1 алаңға шығарылады.
Негізгі экипаж құрамындағы Ресей ғарышкері Михаил Тюрин, АҚШ астронавты Майкл Лопес-Алегриа, тұңғыш әйел-турист, Иран текті АҚШ азаматшасы Анюша Ансариді Халықаралық ғарыш станциясына жеткізетін «Союз ТМА-9» пилотты ғарыш кемесі Байқоңырдан 18-қыркүйекте Астана уақытымен 10 сағат 09 минутта ұшырылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
