Байқоңырда желтоқсан айында ұшырылатын үш бірдей "Глонасс-М" жер серігінің екіншісін ұшыруға дайындық жұмыстары аяқталды - kaz.caravan.kz
  • $ 474.62
  • 517.19
+31 °C
Алматы
2024 Жыл
17 Шiлде
  • A
  • A
  • A
  • A
  • A
  • A
Байқоңырда желтоқсан айында ұшырылатын үш бірдей "Глонасс-М" жер серігінің екіншісін ұшыруға дайындық жұмыстары аяқталды

Байқоңырда желтоқсан айында ұшырылатын үш бірдей "Глонасс-М" жер серігінің екіншісін ұшыруға дайындық жұмыстары аяқталды

Байқоңыр. 2 желтоқсан. "Қазақстан Бүгін" - Байқоңырда желтоқсан айында ұшырылатын үш бірдей "Глонасс-М" жер серігінің екіншісін ұшыруға дайындық жұмыстары аяқталды, деп хабарлайды агенттік тілшісі ғарыш айлағындағы ақпарат көзіне сілтеме жасап.

  • 2 Желтоқсан 2008
  • 698
Фото - Caravan.kz

Кеше ғарыш айлағының мамандары «Глонасс-М» жер серігінің екіншісін құрастырып, ұшырылымға дайындап бітірді. Осыдан бір күн бұрын бірінші жер серігінің дайындықтары аяқталған болатын.

Ал үішнші «Глонасс-М» жер серігі Байқоңыр ғарыш айлағына 3 желтоқсанда жеткізіледі.

Бұдан бұрын да хабарлағанымыздай, Байқоңырдағы В.Бармин атындағы Жалпы машина жасау жөніндегі конструкторлық бюросының сынақтар және пайдалану жөніндегі орталығының мамандары №81 алаңдағы ұшырылым қондырғысы мен ұшырылым құралдарын Ресейдің навигациялық үш «Глонасс-М» атты жер серігін ДМ үдеткіш блогымен қоса 2008 жылдың 25 желтоқсанында алып ұшатын «Протон-М» зымыран тасығышының ұшырылымына дайындай бастады.

«Глонасс-М» ғарыш аппараты Ресейдің Железногорск қаласындағы академик М. Решетнев атындағы Ғылыми-өндірістік қолданбалы механика бірлестігінде жасалған және ол ГЛОНАСС ресейлік навигациялық жүйесінің аппараттар топтамасын толықтыруға тиіс.

24 ғарыш аппаратынан құралған топ 2008 жылы толығуға тиіс. Жүйеге шетелдік тұтынушылар 2009 жылы ғана қол жеткізе алады.

ГЛОНАСС жүйесін дамыту Ресей үшін де, Қазақстан үшін де стратегиялық мәнге ие. Ғарыш бағдарламаларының аясында Ресей Федерациясы мен Қазақстан Республикасының арасында ГЛОНАСС жобасына бірлесе қатысу туралы келісім жасалған.

Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті