Байқоңырдан ғарышқа ұшырулар қаңтарда емес, ақпанда басталады

Агенттіктің сайтында берілген хабарламаға қарағанда, ақпан айында Байқоңыр ғарышжайынан "Союз-2. 1а" зымыранының көмегімен Globalstar-2 ғарыштық аппараттарының кластерін ұшыру көзделген. Алдында "Интерфакске" ғарыш саласындағы дереккөз Байқоңырдан 2013 жылы бірінші зымыранды қаңтар айында ұшыру көзделді, деп хабарлаған еді. "Қаңтар айының соңында "Протон" зымыраны мен "Бриз-М" айдаушы блогының көмегімен Anik G1 серігін ұшыру көзделген болатын. Орбитаға "Ямал-402" аппаратын шығару кезінде үйлес айдаушы блок қозғалтқыштарының мерзімнен бұрын ажырау себептері анықталғанша ұшыру кейінге қалдырылатын болар", деді ол. Оның айтуынша, келесі жылы қаңтар-ақпан айларында орбитаға ұшырылуы көзделген Жерді барлауға арналған "Ресурс-П" ғарыштық аппаратына да қатысты қиындықтар орын алып отыр. Оның да ұшырылуы кейінге қалдырылуы ықтимал.