Түрік дипломатының қызы Бакуде өз-өзіне қол салды деп хабарлайды РИА Новости АПА агенттігіне сілтеме жасап.
Басылымның хабарлауынша, 15 жасар Түркия азаматшасы Гюнляр Шавваль 10-қабаттан секіріп кеткен. Бастапқы мәлімет бойынша, қыз бір күнге лицейдегі сабағынан шеттетілген екен. Жасөспірім осы себептен өзіне қол салса керек. Кейіннен Гюнляр Шаввальдің түрік дипломатының қызы екені белгілі болды. Әкесі Гюнляр Арслан Азми Әзербайжандағы Түркия елшілігінде кеңесші қызметін атқарады. Қылмыстық іс қозғалды.