Балаларды қорғау күнін мерекелеуге 80 млн теңгеден астам қаржы бөлінеді

"Дәстүр бойынша, 1 маусым күні бүкіл әлемдегідей қазқастанда да халықаралық балаларды қорғай күні атап өтіледі. Қазақстандық акция шеңберінде республикалық ауқымда түрлі шаралар өткізілмек", - деп Білім және ғылым министрлігінің балалар құқығын қорғау комитетінің төрайымы Раиса Шер бүгін Астанада өткен баспасөз мәслихатында мәлімдеді. Алдын ала мәлімет бойынша, мерекелік шараларға бюджеттен 40 млн теңгеге жуық және бюджеттен тыс 45 млн теңгеден астам қаржы жұмсалмақ. "Еліміздің барлық аймақтарында орталық алаңдар, стадиондар, саябақтар мен сарайлар, ойын-сауық орталықтары балалардың құзырына берілмек. Балалар шығармашылығы фестивальдары, сахналық қойылымдар, карнавалдар, концерттер, спорттық сайыстар, асфальт бетіне сурет байқаулары өткізіледі. Бұл акциялардың өткізілуі балаларды, әсіресе қиын өмір жағдайын бастан кешіп жатқан балаларды қолдау бойынша ересектердің күш-жігерлерін біріктіруге бағытталған. Дәстүр бойынша, аз қамтылған отбасының балаларына, жетімдерге, мүмкіндігі шектеулі балаларға атаулы әлеуметтік көмек көрсетіледі. "Балалрды қорғау күнін ұйымшылдықпен өткізу үшін барлық деңгейлерде штабтар, жұмыс топтары құрылды, Жалпы республика бойынша 3 млн астам бала қамтылады", - дейді Р.Шер.