Соғылған дабылдан кейін колонияға ішкі әскер сарбаздары басып кіргенде олар түрме аумағындағы цехтардың біріне жасырынған-ды. Барлығы да жат ағымның жетегінде жүргендер. Ғимарат ішінен қашып шықпасын білген олар өздері қолдан жасаған жарылғыш затты іске қосып, 16 сотталушының күлдері көкке ұшты. Кейін оларға қару-жарақты түрме аумағында мешіт салуға арналған құрлыс материалының арасына жасырып өткізген сыбайласы ұсталды. Бірақ ол тергеу изоляторында өзіне қол салды. Сондықтан лаңкестік бойынша қозғалған іс тоқтатылып, тәртіпті бақылаудан шығарып алған колония басшылығы үстінен қылмыстық іс қозғалған.
Мұхамедкәрім Бектұрсынов Қарағанды облыстық прокуратурасы, Арнайы прокурорлар басқармасының бастығы:
— Қылмыстық Кодекс бойынша қызметке салғырт қарағандары колония бастығы мен екі орынбасары 8 жылға дейін бас бостандықтарынан айырылуы керек. Іс 20 томды құрайды. Куәгерлердің саны 100 адамға жетеді. Оның басым көпшілігі түрмедегі жазасын өтеушілер.
