Бұл туралы ол әлеуметтік желідегі парақшасында жазды, деп хабарлайды Caravan.kz медиа порталы.
Оның айтуынша, Шымкент қаласында бандиттерден бастап, мемлекеттік қызмет тестінен өтпей қалғандар да жауапты қызметке тағайындалған.
“Шымкент қаласының Ұлттық қауіпсіздік комитетінің жаңа басшысының назарына!
Ең бірінші Шымкент қаласының дін істері басқарма басшысын ауыстыруды сұраймын!Шымкенттің идеологиясын қатырмаған адам, діни басқармасын қатырады деп ойламаймын!Химиядан сабақ берген ағай, діни басқарманы қалай басқарып отыр?! Біз қай мазхабты ұстанатынымызды біледі ме екен?
Үш жыл бойы жеке діни мектеп мұрындарының астында жұмыс істеп келген. Соны ішкі саясат, дін істер басқарма басшылары неге білмеген?Бұл дегеніміз яғни әр маман өз саласымен жұмыс жасап жатқан жоқ!
Шымкентте кадрлық тағайындауларға арласа бермейтін едім. Бірақ білім және дін және ішкі саясат басқармалары ойнайтын жер емес. Арнайы кадрлық тексеру жүргізуіңізді сұраймын!
Әйтпесе бандиттерден бастап, туған жылын ауыстырып, мемлекеттік қызмет тестінен өтпей қалғандар жауапты қызметке тағайындалып кеткен. Дұрыс тағайындалмаған кадр қаланың құлдырауына әкеліп соғады!”, — деп жазды ол.
