Жарияланды: 480

Бангладеш Сыртқы істер министрі Қазақстанға қатысты ой-пікірін білдірді

25 мамыр күні Дакка қаласында Қазақстан Республикасының елшісі Бақытбек Шабарбаев Бангладеш Халықтық Республикасының сыртқы істер министрі Дилу Монимен кездесті.

Бұл туралы ҚР СІМ баспасөз қызметі хабарлап отыр. Қазақстан елшісі сұхбаттасушысына ағымдағы жылдың 28-30 маусым күндері Астанада өтетін Ислам Конференциясы Ұйымы Сыртқы істер министрлерінің 38-ші сессиясына шақыруды табыс ете отырып, оны Қазақстанның алдағы ИКҰ СІМК-ға төрағалық етуде атқаратын қызметінің басым бағыттарымен таныстырды. Д.Мони аталмыш жиынға шақыру алғаны үшін алғыс білдіріп, алдағы форумға қатысу ниетін растады, сондай-ақ Қазақстанның төрағалық кезіндегі бастамаларына қолдау білдіретіндігін жеткізді. Министрдің ойынша, Қазақстанның өткен жылы ЕҚЫҰ-ға төрағалық етуі мен 2011 жылы Ислам Конференциясы Ұйымына төрағалық етуі біздің елімізге мұсылман әлемі мен Батыс арасындағы диалогты нығайтуға тамаша мүмкіндік береді. Кездесу барысында Бангладеш СІМ-ға Дакка қаласында ҚР Құрметті консулдығын ашуға көмектесу туралы уағдаластыққа қол жеткізілді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть