Еске сала кетсек, бұл халықаралық ұйым көптеген көлемді мәдени шараларға мұрындық болып, түркі халықтары арасындығы мәдени қатынастардың дамуына өз үлесін қосуда.
ТҮРКІСОЙ-дың басты мақсаты — түркі халықтары мен ұлыстарының мәдени ықпалдастығын күшейтіп, ортақ мұралар мен мәдениетін әлемдік деңгейге жеткізу, сондай-ақ оны таныту мен насихаттау. Бұл бағытта БАҚ-тардың рөлі ерекше зор.
Осыған байланысты ТҮРКІСОЙ өз кезегінде Түркия, Қазақстан, Әзірбайжан,Татарстан, Башқұртстан сияқты елдердің баспасөз өкілдерінің жұмысын назардан тыс қалдырмай «ТҮРКІСОЙ Құрмет жүлделерімен» марапаттап отыр.
Қазақстанның атынан бұл жүлдеге «Қазақстан» ұлттық телеарнасы мен «Айқын» газеті лайық деп танылды.
