Бұл туралы Azattyq ruhy порталына сілтеме жасап, Caravan.kz медиа порталы хабарлайды.
Үкіметтік комиссияның мүшесі ретінде жанжал болған ауылдарды аралап шыққан депутат бұл оқиғаға қашқындағы банкир Мұхтар Әблязов пен оның жақтастарының қатысы болуы мүмкін деп қауіптенеді.
«Әблязовтың адамдары жоқ деп кім айтады? Оның әсері болмады деп кім айтады? Ол (Әблязов — ред) отанға жат пиғылдағы адам емес пе? Бізге кедергі жасап отырғаны жасырын ба? Егер ана жақта отырып, шақырып отырса, оны желіден көрсетіп отырса?», — деді депутат.
Сондай-ақ, Бақытбек Смағұл халықаралық дүнгендер қауымдастығының мәлімдемесіне жауап берді. Тіпті Қордай ауданы әкімі болуға лайықты адамның аты-жөнін атады. Сонымен қақтығыстың себептері мен салдары, Масаншы, Қаракемер, Сортөбе, Ауқатты ауылдарындағы әлеуметтік жағдай мен құқық қорғау органдарының қателігі «Азат алаңның» бүгінгі шығарылымында.
