Caravan.kz медиа порталы жалғастырады.
FinRatings мәліметіне сүйенсек, 2026 жылдың басынан бері Қазақстанда 64,2 мың шағын және орта кәсіп иелері жұмысын тоқтатқан. Оның ішінде жеке кәсіпкерлер саны 5%-ға азайды.
Аталмыш статистикаға қарағанда алаңдататын жағдай сияқты. Сарапшылардың пікірінше, бұл тек экономикалық дағдарыстың әсері емес, сонымен қатар нарықтың қайта құрылуы, бизнес-ортадағы өзгерістер мен заңнамалық талаптардың күшеюімен байланысты үрдіс болып отыр.
Аналитикалық деректерге сәйкес, әсіресе екі танымал салада қиындықтар байқалып отыр.
- сауда — жеке кәсіпкерлер үшін ең көп таралған сектор;
- транспорт пен логистика — баға мен сұранысқа сезімтал сала.
Аталған салалар халықтың сатып алу қабілетіне тікелей тәуелді. Сондықтан өзгерістер қатты әсер етеді. FinRatings деректеріне сәйкес, ішкі сауда өсімі соңғы жылдары екі есеге төмендеген: 6%-дан 3,4%-ға дейін. Яғни, тұтынушылар аз сатып алады, салдарынан кіріс төмендейді, ал әлсіз кәсіпкерліктер шыдай алмай нарықтан кетуге мәжбүр.
Бәрі банкрот емес
Жабылып жатқандардың барлығы банкорт емес. Бір бөлігі — бақылаудың күшеюі мен заңнамалық өзгерістердің нәтижесі. Бұрын кәсіпкерлер салықтық жеңілдіктер алу үшін бизнесін бірнеше жеке кәсіпкерлікке бөліп тіркеп, әрқайсысын жеке есепке қоятын. Қазір бұл тәжірибе біртіндеп тоқтатылуда. Нәтижесінде артық тіркелген кәсіпкерлер жабылып, нарық ашық және адал бәсекеге негізделген болады. Яғни, нарықтан кеткен кәсіпорындардың бір бөлігі шынайы компания емес, тек формалдық болып есептеледі.
FinRatings сарапшылары нарықтағы тенденцияларды атап өтті.
- сұраныс төмендесе — табыс табу қиындайды;
- бақылау күшейсе — ескі схемалар жұмыс істемейді.
Осы үрдістердің нәтижесінде нарықта тек тұрақты және мықты ойыншылар қалады.