Продюсер Гүлзира Айдарбекова желіде отбасы, өзі туралы қозғалатын өсек-сөздің жауабын берді, деп жазды Caravan.kz медиа порталы.
Оқырмандарының бірі "Гүлзира ханым! Балаңыз Заңғардың тойында бәрін бірге көріп қуандық. Басында сізді жақтырмайтын едім", деп жазған.
Үнемі оқырмандарының жауапсыз қалдырмайтын Гүлзира ханым бұл жолы ағынан жарылды.
"Әдейілеп ашума тиіп, неше түрлі сөз жазып, бір ауыз сөзімді мың түрлі етіп өзгертіп, ішкі жан-дүниемді қозғап, бәрін білгісі келетіндер көп. Қайсысын болсын қорғау үшін, жексұрын кейіпте ауыз ашпай отырмасқа амал жоқ. Жақсы болсын, жаман болсын, түк таппаған соң, бәленің бәрі осы аналарында деп, баяғы жартас сол жартас деп менен көру, әдетке айналған ғой қайтейін. Өз қолымды өзім кесе алмаймын, қайтейін", деп жазды желідегі парақшасында. 
