Ән жинағын құрастырушылардың айтуынша, Батырханның өз орындауындағы бүкіл шығармалары әлі үш бірдей жинаққа жетерліктей екен. «Отан Ана» секілді туған тіліндегі әндерден үнтаспа жазуды әншінің өзі де армандап өтіпті. Көзі тірісінде онымен сырлас болғандар музыканттың армандаған ісін аяғына дейін жеткізуді қолға алыпты. Айтуларынша, бұл тек үлкен істің басы ғана. Алдағы жылы Алматыда Батырхан Шүкенов атындағы жеті күндік фестиваль өткізу жоспарда тұр. Одан бөлек, әншіге арналған мәдени орталықтың құрылысы бой көтермек.
Олжас Байқанов, Батырхан Шүкенов атындағы қоғамдық қордың директоры:
— Бұл жинаққа әлі де біраз әсерлі әндер енгізуге болар еді. Батырдың тағы екі әнін жазғымыз келген. Бірақ ол бұларды толық жазып үлгермей кетті. Сөйтіп, оның екі әні сол күйі кірмей қалды. Ал былай, әдемі шықты. Менің өзім апта бойы жалықпастан тыңдап жүрмін.
