«Батыс Еуропа - Батыс Қытай» дәлізінің Ақтөбе облысы арқылы өтетін аумағы 2012 жылдың қазан айына қарай аяқталады

Бұл туралы шекара маңындағы ынтымақтастық жөнінде өткен форум барысында облыс әкімі Елеусін Сағындықов мәлім етті. Е.Сағындықовтың сөзіне қарағанда, салуға жоспарланған 630 шақырым жолдың Қызылорда облысының шекарасынан Ақтөбе қаласына дейінгі 500 шақырымы аяқталған. «Қазір «Ақтөбе - Орынбор облысының шекарасы» учаскесіндегі құрылыс қарқынды жүріп жатыр. Биыл жолдың 60 шақырымы аяқталады, ал 2012 жылдың қазан айына қарай халықаралық дәліздің Ақтөбе облысы арқылы өтетін аумағы толығымын бітеді», - деп атап өтті әкім.