Батыс Қазақстан облысында қанды безгекке қатысты эпидемиологиялық ахуал тұрақтанды
|
Батыс Қазақстан облысында бүйрек синдромымен қосылған қанды безгекке қатысты эпидемиологиялық ахуал тұрақтанды. Тиісті санитарлық-профилактикалық шаралар мен тексерулерді жүзеге асырған Батыс Қазақстан облыстық тазалық-індет мамандары осындай қорытынды жасап отыр. Бұл туралы KZ-today тілшісіне Батыс Қазақстан облыстық тазалық-індет қызметінен хабарлады. |
Тазалық-індет қызметінің мәліметіне сүйенсек, бүгінгі жағдаймен Бөрілі, Зеленовский, Теректі және Шыңғырлау аудандарында 29 елді мекенде жаппай дератизациялық шаралар өткізілді. Сондай-ақ, Оралдағы 8400 көп пәтерлі үйлердің жертөлелері мен бірінші қабаттарында дератизациялық шаралар жүзеге асырылды.
26 науқас ауруханадан шығып, тіркеуге алынды. Қазіргі жағдаймен 1 науқас тұрақты емдеуде жатыр. Оның жағдайын дәрігерлер орташа деп бағалауда.
Пікір қалдырыңыз
Пікір қалдыру тіркелген пайдаланушылар ғана мүмкін