Батыс Қазақстанда күн бұзылып, жел күшеймек

Батыс Қазақстан облысында 26-28 желтоқсан күндері кей жерлерде жауын-шашынды болып, бұрқасын соғып, көктайғақ болады. Облыстық төтенше жағдайлар департаментінен жедел кезекші, майор А.Қыдыровтың хабарлағанындай, оңтүстік-батыстан соққан желдің жылдамдығы секундына 15-20, екпіні 25 метрге жетпек. Сол себепті төтенше жағдайлар департаменті облыс тұрғындарын алыс сапарға шықпауларын ескертіп отыр.