Батыс Қазақстанда тауарлар мен қызметтер бағасы бір жылда 4,2 пайызға өсті

Облыстық статистика департаментінен түскен мәліметке қарағанда, өткен жылдың желтоқсанында азық-түлік тауарларының баға индексі 101,2 пайызды құрады. Кондитер өнімдерінің бағасы - 0,9, май және тоңмай - 1, макарон өнімдері - 1,4, ет - 1,6, сүт, ірімшік және жұмыртқа - 1,7, жемістер мен көкөніс 2,6 пайызға қымбаттады. Темекі өнімдерінің бағасы 3,4 пайызға өсті. 2012 жылы азық-түлік тауарларының бағасы 5,1 пайызға қымбаттады. Макарон өнімдерінің бағасы - 3, ірімшік және сүзбе - 3,4, нан - 3,6, кондитер өнімдері - 4, темекі өнімдері - 3,5, бөлке және ұннан жасалған кондитер өнімдері - 4,7, ет - 11,7, ұн 12,6 пайызға көтерілді. Темекі өнімдерінің бағасы 7 пайызға өсті. Осы кезеңде жарма бағасы 16,3 пайызға төмендеді. Картоп 8,6 пайызға арзандады. Ай ішінде азық-түлік емес тауарларының бағасы 0,3 пайыз өсті, бұл киім және аяқ киім бағасының - 0,3, фармацевтикалық өнімдердің - 0,5, қатты отынның - 1,6, газеттер, кітаптар мен кеңсе тауарларының 1 пайызға қымбаттауына байланысты. 2012 жылға азық-түлік емес тауарларының баға индексі 103,5 пайызды құрады. Киім және аяқ киім бағасы - 3,6, газеттер, кітаптар және кеңсе тауарлары - 5,6, құрылыс материалдары - 4,7, шыны бұйымдар, асханаға және үйге қажетті керек-жарақтар - 6,4, өсімдіктер мен гүлдер - 5,9, қатты отын 17,9 пайызға өсті. Бензин - 3,7, дизель отыны 14,3 пайызға қымбаттады. 2012 жылғы желтоқсанда халыққа көрсетілген ақылы қызметтер бағасы 0,2 пайызға көтерілді. 2012 жылы ақылы қызмет бағасы 3,9 пайызға өсті, бұл білім беру қызметтері бағасының - 10,6, сақтандыру және құқықтық қызметтердің - 7, сағат жөндеудің - 7,3, қоқыс жинаудың - 9,3, салт-жора қызметтерінің - 27,7 пайызға көтерілуіне қатысты. Газ - 4,9, байланыс қызметтері - 11,9 пайызға, соның ішінде почта қызметі - 56,5, телефонға абоненттік төлем 20 пайызға қымбаттады. Теміржол жолаушылар көлігі қызметтерінің бағасы 11,5 пайызға өсті.