Облыстық туризм, дене шынықтыру және спорт басқармасының бөлім бастығы Тұрарбек Бекарыстановтың хабарлағанындай, 23 жасар Виталий 50 шақырымға спорттық жүрісте алғашқы ондықтың сапынан көрінді. Бұл Лондон олимпиадасында баруға мүмкіндік береді. «Енді халықаралық жеңіл атлетика федерациясынан нақты шешімді күтеміз», деді Т.Бекарыстанов.
Бұған дейін Батыс Қазақстан облысынан Таймұраз Тигиев пен Абдулхаким Шапиев ( екеуі де еркін күрестен), Алексей Дергунов (байдарка мен каноэда ескек есу), Георгий Шейко (жеңіл атлетика) және Даниял Гаджиев (грек-рим күресі) олимпиада жолдамасын жеңіп алған болатын.
