Батысқазақстандық ардагер самбошылар Прагадағы әлем чемпионатына қатыспақ

Онда ел намысын батысқазақстандық 15 балуан қорғамақ. Бұрыннан бәйге алып жүргендердің сапына Қайырбек Оңдағанов, Ғалым Сүйінішәлиев секілді балуандар жаңадан қосылды. Белгілі спорт ардагері Бердіғали Төлегенов бастап баратын жарыс жас айырмашылығына байланысты жеті топта өтпек. Биылғы меже — былтырғыдан төмендемеу. Басты қарсыластар — Ресей мен Чехия.

2009 жылы Литваның Каунас қаласында өткен ардагер самбошылардың кезекті әлем біріншілігінде Батыс Қазақстаннан барған 14 балуанның барлығы да өздеріне артылған сенімді ақтап, бес алтын, төрт күміс, бес қола медальді иеленген болатын.