Орал қаласындағы олимпиада резервтерін даярлау орталығында жаттығатын Екатерина 63 килә салмақта қарсыластарының бәрін ұтып, чемпион атанды.
Мұсабек Нарегеев пен әкесі Алексей Ларионов баптайтын Екатерина — жастығына қарамастан, ел намысын абыроймен қорғап, халықаралық додаларда көзге түсіп жүрген балуан. Ол — Азия біріншілігінің күміс жүлдегері, Ташкент қаласында биыл өткізілген олимпиадалық турнирдің қола жүлдегері, кадеттер арасында биылғы Азия чемпионы. 2010 жылы ол сондай-ақ ересектер арасындағы Қазақстан біріншілігінде сынға түсіп, күміс жүлдені иеленген болатын.
