Президенттік кәсіпқой спорт клубының тарапынан ереже бұзу анықталмады.
«Бұл алдын-ала тыңдау болатын. Бізден қосымша құжат көрсетуімізді сұрады. Қазір АІВА-ға хат дайындап жатырмыз. Ондағы мақсатымыз — ол жерден сыйақының белгіленген мақсатпен берілетіні жайлы растау алу. Соттың шешімін қайта қаратуға мүмкіндігіміз бар. Соңғы шешімді халықаралық арбитрлық сот шығаруы мүмкін. Кейіннен біз сол жерге шағымданамыз», — деді «Астана Арланстың» экс-бапкері Бейбіт Есжанов.
Естеріңізге сала кетейін, осыған дейін Есжанов «Астана» ПКСК-ның «Астана Арлансқа» WSB-дің 5-ші маусымындағы жеңісі үшін AIBA-дан алған сыйақыны бермеді деп айыптаған болатын.
Ал, ПКСК орындаушы директоры Аманбек Күлшіков экс-бапкердің жоқ қарызды сұрап отырғандығын мәлімдеді.
