Бейрутте қазақ әні әуеледі - ҚР СІМ
|
10 желтоқсанда Қазақстан Республикасы Тәуелсіздігінің 21 жылдығы құрметіне және ҚР Тұңғыш Президентінің күніне орай Ливан Республикасының астанасы - Бейрут қаласындағы белгілі ЮНЕСКО концерт залында Құрманғазы атындағы Қазақ Ұлттық консерваториясының ректоры Жәния Әубәкірованың басшылығымен қазақ ұлттық және классикалық аспаптар ұжымы концерт берді. |
Бұл туралы ҚР СІМ баспасөз қызметі хабарлады.
Аталған шара тікелей Қазақстан Республикасының Иордания Хашимит Корольдігіндегі және Ливан Республикасындағы Елшісі Б.Сәрсенбаевтың кіріспе сөзімен ашылды. Өз сөзінде елші Б.Сәрсенбаев бұл концерттің арнайы ливан халқына арналғандығын айтып, екіжақты мәдени байланыстардың оң бағытта дамып келе жатқандығының айғағы ретінде танылатындығын атап өтті.
Мерекелік шараға Ливан Республикасының саяси және мәдени орта өкілдері, сондай-ақ Ливанның Үкімет мүшелері, осында тіркелген дипломатиялық өкілдіктердің басшылары, белгілі саясаткерлер және тағы басқалары қатысты. Шара барысын Ливанның танымал БАҚ-тарының теле және ақпараттық журналистері кеңінен жариялады.
Қазақстандық өнер ұжымының концерті ливан жұртшылығы тарапынан қошеметпен қабылданып, үлкен мәртебеге ие болды.
Пікір қалдырыңыз
Пікір қалдыру тіркелген пайдаланушылар ғана мүмкін