Бекзат Саттархановты еске алуға арналған халықаралық турнир өз мәресіне жетті

Федерацияның атап өтуінше, турнирге Қазақстан, Ресей, Әзірбайжан, Өзбекстан, Қырғызстан, және Тәжікстан елдерінің 122 былғары қолғап шебері қатысқан. Жарыс қорытындысы бойынша 49 келіде Табысхан Тұрмаханбетов (Қарағанды обл.), 52 келіде Галиб Мамедов (Ресей), 56 келіде Дастан Әшірәлі (ОҚО), 60 келіде Нұрсұлтан Салихов (Алматы обл.), 64 келіде Әсет Әлиев (ОҚО), 69 келіде Нұрзат Сабиров (ОҚО), 75 келіде Мұхамеджан Еркін (ОҚО), 81 келіде Сұлтанбек Данаев (Жамбыл обл.), 91 келіде Әли Балаев (Алматы), ал аса ауыр салмақта Сардар Дадаханов (Ақтөбе) жеңімпаз атанды. Сондай-ақ турнирдің үздік боксшысы болып ресейлік Галиб Мамедов танылды.