Белгілі режиссер Эльдар Рязанов дүниеден өтті

Эльдар Рязанов 1927 жылы 18 қарашада Самара қаласында дүниеге келді. 1950 жылы БМКИ-ді (ВГИК)  бітірді.

1955 жылы «Мосфильм» студиясында Сергей Гуровпен бірге кең экранды «Көктемгі дауыстар» фильмін қойды. Келесі жылы киностудия басшысы И.А.Пырьев Рязановқа кинокомедия жанрын қолға алуды тапсырды. «Карнавальдық түн» фильмі зор табысқа жетті. Ол «Шағым кітабын беріңіз», «Итальяндықтардың Ресейдегі бастан кешкен оқиғалары», «Автомобильден сақтан», «Екеуге арналған вокзал», «Қызметтік роман», «Қатал романс» «Тағдыр тәлкегі немесе Жеңіл буыңызбен» және басқа да көптеген көрнекті фильмдерді қойды.

Рязанов көптеген жас актерлердің жолын ашты. Ол өзінің көптеген фильмдерінің тең авторы болды, бірнеше пьесалар жазды.