Белоруссия Қазақстан аумағына сүт өнімдерін шығаратын зауыт салғысы келеді

«Аграрлық жобалар, сүт өнімдерін өндіру саласындағы ынтымақтастықтың келешегі зор. Бұл жерге зауыттар салу жоспарымызда бар», — деді ол жұма күні Қазақстанның үкімет басшысымен кездесуден кейін өткен баспасөз мәслихатында.

Белоруссия премьері «оған толық мүмкіндік бар» деп атап өтті.
Үкімет басшыларының келіссөздері нәтижесінде: Қазақстан-Белоруссия ауыл шаруашылық және коммуналдық техниканың бірлескен индустриалды-технологиялық паркін құру туралы меморандумға; салық заңдарын сақтау туралы хаттамаға; екі елдің ауыл шаруашылық министрліктері арасында орман шаруашылығы саласында ынтымақтастық орнату туралы келісімге қол қойылды.
Сонымен қатар, «Қазақтелеком» АҚ мен белорустің «Герсис Софтер» ЖШС ынтымақтастық меморандумын бекітті.