Такир Балықбаев, ҚР Білім және ғылым вице-министрі:
-Арнайы ақша жинау деген біздің заңымызда, ережелерде жоқ нәрсе. Олай болуға тиіс емес. Білім саласында бақылау комитеті бар, оның жергілікті жерде департаменттері бар. Осындай сұрақтар болып жатса, бұл ұйымдар тексеріс жүргізеді.
Бірақ, мектептерде «жылу жинау» тоқтатылды деуге келмейді. Ата-аналар білім ордаларының керек-жарағын өз қалталарынан төлеп алып беріп отыр.
Ал мектеп басшылары, ақшаны ата-аналар өз еркімен жинаған деп ақталуды әдетке айналдырған. Осы кезде мектептің жөндеуіне қаржы бюджеттен де бөлініп жатыр. Іске білек сыбана кіріскен Білім министрлігі ақша жинауды түбегейлі тоқтатпақ ойда.