Еңбек және халықты әлеуметтік қорғау министрі Тамара Дүйсенова министрлікке оралуы туралы айтты, — деп хабарлайды Caravan.kz медиа порталы Tengrinews.kz тілшісі.
Үкімет отырысынан кейін журналистер Дүйсеноваға бірнеше сұрақ қойды.
"Халықты бір сұрақ мазалайды: Тамара демалды ма? Өйткені Назарбаев сізді осылай деп отставкаға жіберген еді", — деп сұрады БАҚ өкілдері.
"Мен барлық уақытта жұмыс істедім. (…) Бір ай уақыт беруді сұраймын, содан кейін сіздерге шығып, барлық сұраққа жауап беруге дайынмын", — деді Тамара Дүйсенова Үкімет отырысынан кейін тілшілерге.
11 сәуірде Тамара Дүйсенова қайтадан еңбек және халықты әлеуметтік қорғау министрі болып тағайындалған болатын.
