Заң жобасы авторларының пайымдауынша, үстіміздегі жылдың жазында үкімет қабылдаған зейнетақы мөлшерін ұлғайту тетігі «ауыр өнеркәсіп саласында еңбек еткен зейнеткерлердің құқығын шектеп отыр. Еңбек үлесі жоғары зейнеткерлердің басым бөлігі зейнетақы мөлшерін арттыру шарасынан соқыр тиын пайда көрген жоқ». Сөйтіп, Шаймерден Оразалиновтың айтуынша, «ауыр еңбек түрімен айналысқан зейнеткерлер мен еңбек сыйымдылығы төмен, еңбек үлесі шамалы салаларда жұмыс істеген зейнеткерлердің ахуалы әділетсіз теңестірілді». Осыған байланысты депутаттардың пайымдауынша, «әрбір зейнеткердің еңбек үлесіне сәйкес зейнетақы мөлшерін өзара айырмашылықта арттыру идеясы шын мәненде жүзеге асқан жоқ».
Ш.Оразалиновтың түсініктемесіне жүгінсек, жоба авторлары қазіргі қолданыстағы «ҚР зейнетақы қамтамасыздығы туралы» заңның 13 және 14-баптарына өзгерістер енгізуді ұсынады. Бұл баптарға сәйкес, ең жоғарғы зейнетақы мөлшері 15 еселенген айлық есеп көрсеткішінен (9810 теңге) аспауы тиіс. Ал депутаттар болса, ең жоғарғы зейнетақы мөлшері еңбек өтілінің 75 процентімен шектеліп, айлық есеп көрсеткішінің 25 еселенген мөлшеріне тең болуы тиіс деген ұсыныс жасап отыр. Соның нәтижесінде бұл өзгерістер қабылданса, ең жоғарғы зейнетақы мөлшерін қазіргі 9810 теңгеден 2003-жылы айлық есеп көрсеткіші 872 теңгені құраған жағдайда 16350 теңгеге, ал айлық есеп көрсеткіші 919 теңге мөлшерінде жоспарланған 2004-жылы 17237 теңгеге жеткізуге мүмкіндік туындайды .
Депутаттардың есебіне жүгінсек, заң жобасын қабылдау — республикалық бюджеттен 19,4 млрд. теңге көлемінде қосымша шығын шығаруды талап етеді.
Палата шешімі бойынша заң жобасы мәжілістің жұмыс жоспарына қамтылды.
Соңғы жаңалықтар
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
19 Сәуiр
Жаңалықтар
18 Сәуiр