Бішкекте 5 мың адам тоналған мүліктерді кері қайтарды

Бішкекте 5 мың адам жаппай тәртіпсіздік оқиғалары кезінде тоналған мүліктерді өз еріктерімен кері қайтарды. Бұл туралы KZ-today тілшісіне Қырғызстан Республикасы ІІМ-нің баспасөз қызметінің жетекшісі Нұрдин Жаңғараев хабарлады.

Сонымен бірге өткен тәуліктерде милиция тонаушылыққа қатысы бар деген күдікпен 80 адамды ұстады. Олардың 29-ы қылмыстарын мойындады.

Ұсталғандардан 420 мың доллардың тауарлары тәркіленді. «Қазір учаске инспекторлары тонаушылық іздерін айқындау үшін үйлерді аралауда»,- деді Н.Жаңғараев.