Бішкекте дүкендер мен сауда орталықтары тоналды

Наурыздың 24-інен 25-іне қараған түні Бішкекте компаниялардың кеңселері, зергерлік бұйым дүкендері мен сауда орталықтары тоналды. Қала орталығындағы бес жұлдызды қонақүйге қарақшылық шабуыл жасауға әрекеттер жасалды,- деп хабарлайды KZ-today тілшісі Бішкектен.

Бірінші кезекте «Бета сторес» және «Silk Way» супермаркеттері зардап шекті. Бұзақылар тұрмыстық және кеңсе техникасы мен киім-кешек, азық-түліктен бастап ештеңе қалдырмай сыпырып кеткен.

Бағалы заттар тоналғаннан кейін орталықтарды өртеп жіберген.
Қылмыскерлер көбінесе шетелдік журналистерге шабуыл жасап, олардың ұялы телефондары мен аппаратурасын тартып алуда. Көшелердегі тәртіпсіздіктер салдарынан кем дегенде екі адам қаза тапқан. Құрбан болғандардың нақты саны анықталу үстінде.