Бішкекте халықаралық банк конференциясы өтуде

Бүгін, 22-маусымда Қырғызстан астанасында "Халықаралық банк жүйесіне интеграциялану процестері : тәуекелдер, ликвидтілік және тұрақтылық" тақырыбындағы ІІ халықаралық Бішкек конференциясы басталды,- деп хабарлайды KZ-today тілшісі.

KZ-today тілшісіне конференцияны ұйымдастыру комитетінен хабарлағанындай, бас қосуға Латвия, Қазақстан, Қырғызстан, Ресей, АҚШ және Украинадан келген 80-нен астам өкілдер қатысуда.

Шараға қатысушылар Қырғызстандағы инвестициялық ахуал, банк ісіндегі қазіргі заманғы ағымдар, халықаралық төлем жүйелерін дамыту тақырыптарын талқылайды.
Конференцияны Қырғызстан банктерінің қауымдастығы мен Халықаралық валюта ассоциациясы ұйымдастырды.