Митинг бүгін 11 сағатта басталады. Оппозиция жетекшілері әлеуметтік жарнама дайындап, жергілікті телевидение арқылы тұрғындарды наразылық шарасына қатысуға шақыруда.
Қазір Бішкектің орталық алаңында бір мыңдай адам жиналған. Митингіге қатысушылар 2-қарашада қала орталығында, Қырғызстан үкімет үйінен 100 метр жерде шатырлар тігіп алған, олар талаптары орындалмайынша бұл жерден кетуден бас тартуда.
Бүгін белгілі болғанындай, Қырғызстан президенті Құрманбек Бакиев парламентке жаңа Конституцияның жобасын енгізді. Депутаттар бейсенбіде құжатты талқылауға кіріседі. Бұған дейін ол парламенттің салалық комитетінде қаралады. Елдің негізгі заңын жаңалау — «Реформалар үшін» оппозициялық қозғалысының талаптарының бірі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
