Сапархан Омаровтың айтуынша, биылғы егін орағында 17 миллион тоннадан астам астық жинау жоспарланып отыр. Бұл өткен жылмен салыстырғанда, әлдеқайда артық. Үкімет осыған байланысты биыл экспорт көлемін де арттыруды көздеген. Сөйтіп, астықтың шамамен 7 миллион таннасы сыртқа тасымалданбақ. Басым бөлігі Иран, Қытай мен Ресейге жол тартады. Ал жылда ауа райының қолайсыздығына байланысты қар астында қалып жиналмай қалатын егін биыл қоймаларға толықтай уақытында әкелінеді деп отыр шенеуніктер. Оның үстіне бидайды жинап алу үшін диқандарға жанармай арзан бағамен сатылып жатыр екен.
Сапархан Омаров, ҚР Ауыл шаруашылығы вице-министрі:
— Ауа райы астықты жинауға мүмкіндік беріп отыр. Оның үстіне биыл астықты жинау науқаны өте қызу жүріп жатыр. Дер кезінде астықты жинап аламыз деп ойлаймын.