Биыл Н.Назарбаев Вьетнам Социалистік Республикасына ресми сапармен барады деп жоспарлануда

Бұл туралы бүгін журналистермен кездескен Вьетнам Социалистік Республикасының Қазақстандағы Төтенше және өкілетті елшісі Ву Тхе Хиеп мәлім етті.

Оның хабарлауынша, қазіргі кезде сапардың нақты уақыты белгісіз. Жоспар бойынша ҚР Президенті Нұрсұлтан Назарбаев Вьетнам Социалистік Республикасына ағымдағы жылдың аяқ кезінде баратын болады. «Қазақстан Президентінің Вьетнамға жасайтын сапары алдында біз Сыртқы істер министрлігімен бірлесе отырып, бұқаралық ақпарат құралдарына барлық мәліметті ұсынатын боламыз», — деп атап көрсетті елші.