Бұл туралы ҚР Ұлттық экономика министрлігі Статистика комитеті мәлімдеді, деп хабарлайды Baq.kz.
Былтыр қаңтар-тамыз айлары аралығында елімізде 2140 сәби шетінеген. Былтырғы жылмен салыстырғанда 1 жасқа дейінгі сәбилердің көз жұмуы 1,1% кеміген.
2018 жылдың сегіз айының қорытындысы бойынша, нәресте өлімі көрсеткіші 1000 сәбиге шаққанда 8,09 жағдайды құрайды.
Сәби өлімінің негізгі себебі – перинаталды кезеңде пайда болған жағдай. Дәл осы себеппен қаңтар-тамыз айтары аралығында 1078 нәресте шетінеген. Туабітті ауытқу себебінен шетінеген нәресте саны – 418, ал тыныс алу жолдары ауруы салдарынан шетінегендер саны – 140. Оқыс оқиға, улану және жарақат алу салдарынан шетінеген сәбилер саны – 95.