Бұл туралы бүгін «Bnews.kz» ақпарат агенттігінде өткен дөңгелек үстел барысына ҚР Әділет министрлігі Тіркеу қызметі және құқықтық көмек көрсету комитеті төрағасының орынбасары Олжас Бектенов мәлім етті.
«Егер де бұл заң жобасы қабылданса, біз қазіргі тіркеу тәртібінен жаңаша тіркеу тәрбіне көшеміз. Яғни, тек өтініш қабылданады да салық жиналады, бар болғаны — осы. Менің ойымша, бұл жұмыстар небәрі бірнеше минуттың ішінде аяқталады. Елбасы жақында Эстонияға жасаған сапары барысында компанияның 15 минуттың ішінде тіркеуден өткізілгеніне куә болған. Қазір біз осыған талпынудамыз және де заң жобасында бұның барлығы ескерілген», — деді О.Бектенов.