Оның арты орны толмас қайғыға алып келуі мүмкін, деп хабарлайды Caravan.kz медиа порталы.
Қазақстанның кейбір аймақтарында боран соғып, автожолдар жабылуда. Қатты боран мен көктайғақ кезінде жолға шығу өміріңіз бен жолаушыларыңыздың қауіпсіздігіне тікелей қауіп төндіреді. Кейбір жүргізушілер, әсіресе таксистер блокпостты айналып өтіп, боранды күні екі есе тарифпен ақша тауып қалуға тырысуда. Бірақ адам өмірін былайша таразыға салу, табиғаттың дүлей күшіне салғырт қарау барып тұрған ақымақтық.
Жолаушы қанша асықса да, «бүгін боран, жол аса қауіпті, сәл күтейік» деп өзіңіздің де, өзгенің де өмірін құтқара аласыз.
Жолға шығу – жауапкершілік пен сақтықты талап етеді!
Төтенше жағдайлар қызметінің ескертуін елеусіз қалдырмаңыз! Трасса жабық болса, ол еріккеннен жабылмаған. Жауапты болуға тырысыңыз. Жабық трассамен жүрмеңіз. Өліп қалуыңыз мүмкін. Ең аз дегенде көлігіңіз соғылып, қыруар шығынға ұшырайсыз.
Төтенше жағдайлар қызметінің хабарламасына өте жауапты қараңыз. Мемлекет сіз үшін алаңдайды.