Боранға байланысты Қазақстанның үш облысында күре жолдар жабылды

Бұл туралы бүгін «Қазавтожол» РМК-ның баспасөз қызметінен хабарлады. Атап айтқанда, Алматы облысы бойынша кеше түстен бастап «Үшарал-Достық» автожолының 93-184 шақырымы аралығында автокөліктің барлық түрлері үшін қозғалысқа шектеу қойылды. Ал Жамбыл облысы бойынша бүгін таңғы сағат 4.30-дан бастап боранға байланысты «Алматы-Ташкент-Термез» жолының 536-593 шақырымы бойында автокөліктерге жолға шығуға тыйым салынды. Бұдан бөлек, Оңтүстік Қазақстан облысы аумағындағы «Алматы-Ташкент-Термез» автожолының 611-593 шақырымындағы «Ақбиік-Жамбыл облысының шекарасы» учаскесі көлік қозғалысы үшін бүгін сағат 9.30-дан бастап жабылды. Аталған жолдарда автокөліктердің үздіксіз жол қозғалысын қамтамасыз ету мақсатында «Қазақавтожол» РМК-ның ЖПБ (Жол пайдалану бөлімшесі) арнайы техникалары кезекшілікке шықты. «Қазақавтожол» РМК-да автомобиль жолдарының жабылған учаскелері жөнінде халықты хабардар ету үшін тәулік бойы диспетчерлік қызмет жұмыс істейді: Астана қаласында 8 (7172) 444-777; Жамбыл облысы бойынша 8 (7262) 31-50-83; Алматы обылысы бойынша 8 (7272) 95-80-09 телефондары арқылы мәлімет алуға болады.