Борышкерлер «Баспанаға азаматтық құқық» қозғалысын құрды

Наразы борышкерлер тағы бір қозғалыстың құрылғанын хабарлады. Бұл жолғы ұйым «Баспана халықта қалсын» қозғалысы сияқты наразылық шараларын өткізуден бұрын, бар мәселені заң жолымен шешуге күш саламыз деп бекініп отыр. Олар жаңа қозғалысты «Баспанаға азаматтық құқық» деп атауды жөн санапты.

Бұған дейін де бірнеше жыл бойы «Баспана халықта қалсын» қозғалысымен бірге сан рет наразылық шарасына қатысқан олар,енді бұл ойынан айнып қалған. Сондықтан «аштық жариялап, аттандамаймыз»деп отыр. Қазір ұйым өкілдері борышкерлердің мүддесін қорғайтын арнайы заң жобасын дайындауға кірісіп кеткен. Бұл ретте ипотекалық несие беру жүйелі түрде жолға қойылған елдердің заңнамасын бастан-аяқ зерттепті. Енді олар осы жобаны депутаттарға ұсынбақ.

Бақыт Қамашқызы, «Баспанаға азаматтық құқық» қоғамдық қозғалысының өкілі:

- «Жеке тұлғаның банкроттығы туралы»заң шықса,ол адамды қорғап,банкир мен несие алған адамдардың арасында барлық мәселені шешуге көмек береді.