Жарияланды: 500

БҚО: өңірде майлы және азықтық дақылдарға басымдық беріліп отыр

Батыс Қазақстан облысында биыл майлы және азықтық дақылдар өсіруге басымдық беріліп отыр.

Облыстық ауыл шаруашылығы басқармасынан түскен мәліметке қарағанда, жазғы дәнді дақылдар 374,2 мың гектарға себілді, бұл жоспардан 2 пайызға артық. Әсіресе, Бөрлі мен Зеленов аудандары және Орал қаласы маңындағы шаруашылықтар өз жоспарын сәйкесінше 27,7 және 8 пайызға асыра орындады. Биыл 110,94 мың гектарға майлы дақылдар егілді, бұл 65 пайызға артық. Әсіресе, қыша жоспарланғаннан 2,5 есеге көп егілді. Сондай-ақ 6,42 мыңның орнына 10,72 мың гектарға азықтық дақылдар өсірілуде. Картоп 4427 гектардың орнына 3854 гектарға егілсе (87 пайыз), көкөніс пен бау-бақша дақылдары сәйкесінше 3739 және 1611 гектарға отырғызылды (100 және 102 пайыз).

Пікір қалдырыңыз

Пікір қалдыру тіркелген пайдаланушылар ғана мүмкін