Аталмыш ауылдық округ әкімі Сәдуақас Ғұбашевтың айтуынша, сол елді мекенде тұратын малшы Алма Бақыт түнде ит үрген соң малын қарауға шығады. Ол кісі қорасындағы малға қасқыр тиіп жатқан үстінен түседі. Түз тағысы жақын келген әйел адамның қолынан қауып құлатып, қашып кеткен. Жараланған әйел сол түні аудандық ауруханаға жеткізілген. Қазір ем алуда.
Аталмыш оқиғадан соң осы ауылдық округке қарасты «Айтжан» қыстағында Зада есімді азаматтың итін көз алдында қасқыр алып кеткен. Қасқырды ит иесі атып алыпты.