«27-ші маусымға өртеп жіберу арқылы 230 ІҚМ және 906 ұсақ мал жойылды. Инфекция жұққан малды көметін учаске бөлініп белгіленді», — делінген ведомство хабарында.
Хабарда айтылғандай, АШМ-ның БҚО-дағы территориялық инспекциясы Ақжайық АІІБ-мен бірлесіп карантиндік бекеттер қойды. Лбищенск кентіне дезинфекциялық тосқауыл қойылды. Қайталап дезинфекциялау шаралары жүргізілуде.
Еске салсақ, 19-шы маусымда БҚО Лбищенск кентінде аусылға күдікпен бірнеше мал өртенген болатын. Ветеринарлар ауырған малдарда аусыл кеселінің белгілері: ыстығы көтерілуі, сілекейі ағуы, әлсіздігі, аяқтары іріңдеуі байқалғанын айтады.