3 қаңтарға қараған түні Ақжайық ауданы орталығы Чапаев ауылында тұрған жасөспірім өз үйінің ауласында асылып қалған, деп хабарлайды «ҚазАқпарат» тілшісі.
Аудандық ішкі істер бөлімінен түскен ақпаратқа қарағанда, сол күні кешке баланың ата-анасы қонаққа кеткен де, студент апасы үйде болған. Інісінің асылып қалғанын көрген апасы сол бойда ата-анасына хабарлаған. Марқұм сол ауылдағы №1 орта мектептің 10-сыныбында оқыған, мінезінде оғаш қылық байқалмаған. Айта кетейік, облыстық ішкі істер департаментінің баспасөз қызметінен түскен мәліметке қарағанда, өткен жылы өңірде барлығы 187 суицид оқиғасы тіркелсе, соның ішінде оннан астам жасөспірім өз өмірін қиды.