Жарияланды: 450

БҚО-ның кәсіпкерлеріне нанның бағасын өсіргені үшін айыппұл салынбақ

Нанның бағасын негізсіз өсіргені үшін Батыс Қазақстан облысының 9 кәсіпкеріне айыппұл салынады.

Бұл туралы бүгін ҚР Бәскелестікті қорғау агенттігінен хабарлады. Монополияға қарсы агенттік Батыс Қазақстан облысының: «Попков А.Б. Ш/Қ (шаруа қожалығы)», «Талецкий В.Н.», «Абақұмова А.И.», «Широкова Е.Ю.», «Доценко А.В. Ш/Қ», «Котов В.Ф.», «Исаев Х.Х.», «Антипов В.М.» және «Синельников А.В.» жеке кәсіпкерліктердің бәйсекелестік заңдарына қайшы қимылдарына, нақты айтқанда нан бағасын тұрақты ұстап тұру келісімнің орындалуына және оны анықтау бойынша тексеріс жүргізіп, қорытынды шығарды. Таратылған ақпаратқа сүйенсек, облыста нанның бағасы «ауызжаласу» арқылы үстіміздегі жылдың 16-19 қаңтары аралығында, бір мезгілде және өндірілетін өнімнің өзіндік құнының қымбаттауы болмаған жағдайда (немесе айтарлықтай қымбаттау болмаған жағдайда) 10 пайызға артқан. «Тексеріс нәтижесі бойынша Агенттік аталмыш субъектілерге қатысты әкімшілік құқықбұзушылық туралы істер қозғау туралы шешім шығарды», - делінген хабарламада.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть