Еуроодақтың сыртқы істер және қауіпсіздік саясаты жөніндегі жоғары өкілі Кэтрин Эштон серіктестік және ынтымақтастық туралы жаңа базалық келісім бойынша келіссөз тобының жетекшісі етіп тағайындаған Гунар Вигандтың атап көрсетуінше, Қазақстан мен Еуроодақтың арасында қарым-қатынас орнағаннан бері, қос тарап дамудың біраз жолын жүріп өтті. «Осыған байланысты, саяси экономикалық қатынастарды тереңдету үшін бізге ынтымақтастықтың қазіргі заманға сай базасы керек. Аталмыш келісім бизнеске жағдай жасауға және Еуроодақ пен Қазақстан азаматтарының арасындағы өзара байланысты оңтайландыруға мүмкіндік береді», дейді ол.
Естеріңізге сала кетейік, қазақстан-еуропалық екіжақты қарым-қатынасқа негіз болып отырған қазіргі қолданыстағы серіктестік және ынтымақтастық туралы келісім 1999 жылы күшіне енген болатын.
