Баспасөз қызметінің хабарлауынша, Еуропалық қайта құру және даму банкінің несиесін «БТА ипотека»АҚ «ТұранӘлемБанкі»АҚ тарапынан кепілдіксіз, дербес несие түрінде алған. Бұл — Еуропалық қайта құру және даму банкінің БТА ипотекаға беріп отырған екінші несиесі болмақ. 5 млн. доллардың алғашқы несиесі туралы келісімге 2003-жылы қол қойылған.
Еліміздегі ипотекалық несиелендіру рыногы құрылғанына 4 жыл ғана толса да, жылына 3 есе қарқынмен өсіп келеді. Әрбір он қарыздың тоғызы жеке тұлғаларға берілуде. Халықаралық және Қазақстандық сарапшылардың болжамына сәйкес, ипотекалық рыноктың көлемі 2008-жылы 1,5 млрд. долларға дейін өспек, дейді «БТА ипотека»АҚ -ның президенті Мұрат Юлдашев.
БТА ипотека 2000-жылы құрылған. Қазіргі жағдаймен компания еліміздегі ипотекалық несие беру рыногындағы жетекші компанияның санатына енді. Оның ипотекалық несие рыногындағы үлесі 20-25 процентті құрайды. БТА ипотеканың басымдық берілген стратегиялық мақсаттарының бірі — республика көлеміндегі географиялық аясын кеңейту болып табылады. Қазір еліміз бойынша компанияның 14 аймақтық өкілдігі жұмыс істейді. 2005-жылы тағы 5 филиал ашу көзделген. Сондай-ақ, халықтың ауқымды бөлігіне арналған ипотекалық жаңа өнімдер түрін шығару да басты мақсаттардың бірі.
- $ 515.02
- € 604.22
Алматы
- РУС
- ҚАЗ
2025 Жыл
22 Желтоқсан
