Жалпы, биыл 4106 елордалық түлек Ұлттық бірыңғай тестілеуге қатысады. 2016 жылы 4695 оқушы мектеп бітірген.
ҰБТ тапсыратын оқушылардың жалпы санынан 196 оқушы «Алтын белгі» медаліне, 89-ы ерекше үлгідегі аттестат алуға үміткер.
Астанада ҰБТ 2-6 маусым аралығында алты кезекпен өтеді. Қалалық мектеп оқушылары бірыңғай емтиханды 2, 4, 6 маусымда Л.Н. Гумилев атындағы Еуразия ұлттық университетінде және С. Сейфуллин атындағы қазақ агротехникалық университетінде, ал 3, 5 маусымда Қазақ гуманитарлық заң университетінде тапсырады.
Бес пән бойынша өтетін тестілеу 3,5 астрономиялық сағатқа жалғасады.